SSLC Revaluation / Photocopy / Scrutini 2026

Application Link: 

https://sslcexam.kerala.gov.in/revaluation.php

https://sslcexam.kerala.gov.in 

 2026 മാർച്ചിൽ നടന്ന എസ്.എസ്.എൽ.സി പരീക്ഷയുടെ ഉത്തരക്കടലാസുകളുടെ പുനർമൂല്യനിർണ്ണയം, ഫോട്ടോകോപ്പി, സൂക്ഷ്മപരിശോധന (സ്ക്രൂട്ടിണി) എന്നിവ ആഗ്രഹിക്കുന്ന പരീക്ഷാർത്ഥികൾക്ക് ആയതിനുള്ള ഒാൺലൈൻ അപേക്ഷകൾ ഔദ്യോഗിക  വെബ്സൈറ്റായ https://sslcexam.kerala.gov.inൽ 21/05/2026 വൈകിട്ട് 4.00 മണി വരെ  Revaluation/Photocopy/Scrutiny Applications എന്ന ലിങ്കിലൂടെ രജിസ്റ്റർ ചെയ്യാവുന്നതാണ്.

പരീക്ഷാർത്ഥിയുടെ രജിസ്റ്റർ നമ്പർ, ജനനതീയതി എന്നിവ നൽകുമ്പോൾ, വിദ്യാർത്ഥിയുടെ വിവരങ്ങളും, നിലവിലെ ഗ്രേഡ് വിവരങ്ങളും സൈറ്റിൽ കാണാവുന്ന താണ്.

അപേക്ഷയിൽ ഉൾപ്പെടുത്തേണ്ട വിവരങ്ങൾ നൽകി സേവ് ചെയ്യുമ്പോൾ അപേക്ഷ യിൽ സമർപ്പിച്ച വിവരങ്ങൾ കാണാവുന്നതും, ഒരിക്കൽ കൂടി പരിശോധിച്ച് തെറ്റുകൾ എന്തെങ്കിലും ഉണ്ടെങ്കിൽ EDIT ബട്ടൺ ഉപയോഗിച്ച് വിവരങ്ങൾ തിരുത്താവുന്നതും, അല്ലെങ്കിൽ Confirmation ചെയ്യാവുന്നതുമാണ്. ഈ രീതിയിൽ Final Confirmation നടത്തുമ്പോൾ ലഭ്യമാകുന്ന പ്രിൻ്റൗട്ടും, അപേക്ഷാഫീസും പരീക്ഷ എഴുതിയ സെൻ്ററിലെ പ്രഥമാദ്ധ്യാപകന് മെയ് 21 ന് വൈകുന്നേരം 5.00 മണിക്ക് മുമ്പ് സമർപ്പിക്കേണ്ടതാണ്.

 പുനർമൂല്യനിർണ്ണയത്തിന് പേപ്പർ ഒന്നിന് 400/- രൂപ, ഫോട്ടോകോപ്പിക്ക് 200/- രൂപ, പുനഃപരിശോധനയ്ക്ക് (സ്ക്രട്ടിണി) 50/- രൂപ എന്ന നിരക്കിലാണ് ഫീസ് അടക്കേണ്ടത്. പുനർമൂല്യനിർണ്ണയത്തിന് അപേക്ഷിക്കുന്ന പേപ്പറുകളുടെ സ്കൂട്ടിണിക്കുവേണ്ടി പ്രത്യേകം അപേക്ഷ രജിസ്റ്റർ ചെയ്യേണ്ടതില്ല.