SSLC SAY 2026

• Download Notification

പരീക്ഷാ വിജ്ഞാപനത്തിലെ പ്രധാനപ്പെട്ട വിവരങ്ങൾ:

പ്രധാന തീയതികൾ (Important Dates)

അപേക്ഷ സമർപ്പിക്കേണ്ട തീയതി: 19/05/2026 മുതൽ 22/05/2026 വരെ (പഠിച്ച സ്കൂളിലെ പ്രധാനാധ്യാപകന് നൽകണം)

• സ്കൂളുകളിൽ നിന്നും പ്രധാനധ്യാപകർ പരീക്ഷാ കേന്ദ്രങ്ങളിൽ സമർപ്പിക്കേണ്ട അവസാന തീയതി: 23/05/2026 വൈകിട്ട് 4 മണിക്ക് മുൻപായി.
• പരീക്ഷാ കേന്ദ്രങ്ങളിൽ നിന്ന് ഓൺലൈൻ രജിസ്ട്രേഷൻ പൂർത്തിയാക്കേണ്ട തീയതി: 25/05/2026 വൈകിട്ട് 5 മണിക്ക് മുൻപ്.
• ഹാൾടിക്കറ്റ് വിതരണം: 04/06/2026-ന് മുൻപ്.
• പരീക്ഷാ തീയതികൾ: 10/06/2026 മുതൽ 17/06/2026 വരെ.

പരീക്ഷ എഴുതാനുള്ള യോഗ്യതകൾ (Eligibility)

• 2026 മാർച്ചിലെ എസ്.എസ്.എൽ.സി പരീക്ഷയിൽ റഗുലർ വിഭാഗത്തിൽ എഴുതി, ഉന്നതവിദ്യാഭ്യാസത്തിന് അർഹത നഷ്ടപ്പെട്ടവർക്കായി മാത്രമാണ് ഈ പരീക്ഷ.

• പരമാവധി 3 വിഷയങ്ങൾക്ക് വരെ കുറഞ്ഞത് ഡി+ (D+) ഗ്രേഡ് ലഭിക്കാത്തവർക്കും, മൂന്ന് പേപ്പറുകൾക്ക് ഏതെങ്കിലും പ്രത്യേക സാഹചര്യത്തിൽ പരീക്ഷ എഴുതാൻ സാധിക്കാതെ വന്നവർക്കും അപേക്ഷിക്കാം.
• പ്രത്യേക അനുമതി (3 പേപ്പറുകളിൽ കൂടുതൽ): പരീക്ഷാ സമയത്ത് അപകടം, ഗുരുതരമായ രോഗം, മാതാപിതാക്കളുടെയോ സഹോദരങ്ങളുടെയോ മരണം എന്നിവ കാരണം പരീക്ഷ എഴുതാൻ കഴിയാത്തവർക്ക് 3-ൽ കൂടുതൽ പേപ്പറുകൾ എഴുതാം. ഇതിനായി വില്ലേജ് ഓഫീസർ അല്ലെങ്കിൽ ഗവൺമെന്റ് ഡോക്ടറുടെ സർട്ടിഫിക്കറ്റ് ഹാജരാക്കണം.
• മാർച്ചിലെ പൊതുപരീക്ഷ എഴുതി പരീക്ഷാർത്ഥിത്വം ക്യാൻസൽ ചെയ്തവർക്ക് 'സേ' പരീക്ഷ എഴുതാൻ അർഹതയില്ല.

ഫീസും അപേക്ഷാ രീതിയും (Fees & Application)

പരീക്ഷാ ഫീസ്: ഒരു വിഷയത്തിന് 100/- രൂപ നിരക്കിൽ.

അപേക്ഷിക്കേണ്ട വിധം: പരീക്ഷാഭവന്റെ ഔദ്യോഗിക വെബ്‌സൈറ്റിൽ (https://sslcexam.kerala.gov.in) ലഭ്യമായ മാതൃകാ അപേക്ഷ ഫോറം പൂരിപ്പിച്ച്, മാർച്ചിലെ പരീക്ഷാ ഫലത്തിന്റെ കമ്പ്യൂട്ടർ പ്രിന്റൗട്ടും ചേർത്ത് പഠിച്ച സ്കൂളിലെ പ്രധാനാധ്യാപകന് ഫീസ് സഹിതം നൽകണം.

• Download Notification